O Grupo Municipal de E.U.-I.U. no Concello de Mugardos denunciou ante a Fiscalía varias presuntas irregularidades no ámbito do urbanismo que adquiriron a dimensión que hoxe teñen e que todos coñecedes, moito maior que a denunciada por nós.
A primeira denuncia realizouse xunto cós grupos municipais de P.S.deG.-P.S.O.E. e con IpM, por posible vulneración do P.X.O.M. de Mugardos, no referente á súa normativa de casco antigo.
A segunda denuncia versa sobre a legalización dun edificio, a través dunha modificación puntual do P.X.O.M. de Mugardos.
A terceira, sobre un estudo de consolidación de solo de núcleo rural, que permitiu a segregación da parcela e unha urbanización. A Dirección Xeral de Urbanismo da Xunta de Galicia, con data de 7 de Xuño, mandatou ó Concello de Mugardos para a súa revisión de oficio do estudo de consolidación e a anulación da licencia outorgada en base a ese estudo.
Polos datos obtidos a través dos medios de comunicación, a día de hoxe os cargos mantéñense para as catro persoas que foron detidas: tráfico de influencias e negociacións prohibidas a funcionarios, seguindo o secreto de sumario e á espera de novas chamadas a declarar de persoas diferentes ás mencionadas.
Agora ben, a responsabilidade política recae sen ningún xénero de dúbida no Alcalde do Concello de Mugardos, por ser éste o presidente da Comisión de Urbanismo e Alcalde na etapa en que sucederon as supostas irregularidades. Se houbese outro tipo de responsabilidade, a nós non nos compete decidir nin especular. O que sí nos compete, como formación política, é esixirlle que asuma as súas responsabilidades políticas e que, consecuentemente, dimita.
1 comentario:
La Voz de Galicia 16/12/2007
-O propio fiscal recoñeceu publicamente que o alcalde non ten ningunha participación na suposta trama que se investiga.
PERO LE IMPUTA PRESUNTOS DELITOS DE PREVARICACION EN SU GESTION
¡! Hay que decirlo todo señor Alcalde ¡!
Publicar un comentario